Tan Tereang Bataghonak Ayam

oleh -45 views
Tan Tereang Bataghonak Ayam

TRAVESIA.CO.ID – Tan Tereang kini mulai baghaja bataghonak ayam. Ntah dek ncoliak kanti nan lah baghaia kini dek ayam bangkok, ntah dek katuju jo kukuak ayam. Nan jaleh, lah baboli ayam kampuang ompek ikua. Tigo induak, ciek apak.

Indak soman kanti nan bataghonak ayam bangkok, Tan Tereang ado alasan mamaliagho ayam kampuang ko. Sobob, liau panakuk. Goghik juo kok kalau jadi tukang adu ayam. Dek banyak nan mamboli ko untuak diadu. Jan taghuah lo ujuang-ujuangnyeh eh.

Kok dibae lo bataghonak itiak, ndak masuak dek Tan Tereang deh. Kabalo ndak toek. Baboncah pulo. Ciek lai nyo, nyo yo basasuaian. Kambiang lah taboli lo. Kambiang jo ayam, lai di nan koghiang eh. Kok boli kobou, ntu taposo jo itiak kanti nyeh.

Baliak ka ayam cako, nan kanti Tan Tereang nan ado itiak kotu di lopou batanyo

“Tan, taghonak ayam ang kini yo?”

“Yo, mang. Baghaja-ghaja. Ko ompek ghu. Pamenan se kini eh”

“Ba ndak itiak se eh” nyi Jang Kubiak ko sambia mairuk kopi paik.

“Ndak tolok dek den deh, mang”

“Ghancak nah itiak lai. Tolua lai maha. Tiok aghi lo”

“Bogha tolua itiak kini tih?”

“Duo ghibu. Kalau tolua ayam kampuang, kughang duo ghibu kini. Saghibu lapan ghatuh kalau ndak salah. Ancak nah itiak lai”

“Yo, dek godang gak nyeh, stek”

“Ntu lah Iyo, mang. Ma lo maha nan Ketek daghi nan godang”

“Yo ndak tolok dek ayam den deh”

“Ba dek bitu?”

“Pocah lo ikua ayam den dek piti duo ghatuh tu ndak omuah den deh”

 

Okto Muharman, budayawan yang tinggal di Batu Hampar, Limapuluh Kota.

Tinggalkan Balasan

Alamat email Anda tidak akan dipublikasikan. Ruas yang wajib ditandai *

This site uses Akismet to reduce spam. Learn how your comment data is processed.