Tan Tereang Carito Karojo

No comment 109 views

Tan Tereang Carito KarojoTRAVESIA.CO.ID – Tasobuk lah namo Tan Tereang. Kampuang Batu batompek tingga. Sakola jo ghantau lai dicubo. Dikecek an sonang, indak pulo. Dek ghintang ati nak mamajuan nagoghi. Dek liau lai Sarjana Muda, tontu lai agak tau tontang a nyo kamaghi saketek. Lai juo kanti batanyo tontang sagalo masalah nan ado.

Dek lah lamo pulang ka kampuang, lah mulai pulo duduak di lopou. Banyak masalah nan tajadi. Ghami pulo nan tasuo. Nan Tan Tereang ndak abih aka. Liau maadok-i jo cagho nan beda. Kadang serius, kadang bagorah. Kadang jo kieh bacimeeh. Ada pulo jo tingkah nan jo ulah.

CB 100 warna sighah paninggaan datuak, jadi kanti bajalan dek Tan Tereang. Kok ka lopou kok ka sughau. Ka sawah jo ka ladang. Kok ka pasa atau ka kantua-kantua.

Tan Tereang kini sodang di lopou. Aghi nan sodang paneh langkang. Teh es nan diposan tingga saparo. Kampia nan lah mulai tipih pulo. Kanti sameja duo ughang. Tomat kuliah, tapi nganggur. Kojo miliah pulo. Lah jauah bacarito. Lah ka lauk ka daghek. Mulai carito tontang kampuang, sampai carito tontang proyek. Sambia  mandonga, bapilin juo duduk ko. Diambiak daun duo olai, dielo tambakau sajelai, diguluang, digigik baunyai-unyai.

Tan Tereang togak. mambayia minum.

“Kama lai, Tan” nyi Wan Osen.

“Ka kantua Bupati sonta”

“Monga tih. Lai ado proyek, ndak?”

“Den ka poi malamar jadi kapalo PU. Liah jan talotak se ijazah ko eh. Buliah lai banyak proyek dek ang” nyi Tan Tereang sambia bajalan kalua lopou.

Diengkol nyeh dek Tan Tereang onda CB 100 liau. Digas nyeh dek Tan Tereang stek, liah nak marengeang ka talingo kanti nan baduo ko.

 

Okto Muharman, budayawan yang tinggal di Batu Hampar, Limapuluh Kota.

Leave a reply "Tan Tereang Carito Karojo"